|
Демак, айтиб ўтганимиздек, Ислом уммати Исломдан олдин ҳам, Исломдан кейин ҳам бошқа умматларга қарши уларга рисолат етказилганига адолатли гувоҳдир.
Шунингдек, Аллоҳ Таоло биринчи қибланинг яъни, Масжидул Ақсога юзланиб намоз ўқишнинг фарз қилинишида бир ҳикмат борлигидан бизни огоҳ этяпти. Шу иш орқали Аллоҳга, Пайғамбарга итоат этиб, Аллоҳ буюрган тарафга юзланиб намоз ўқиганлар билан Аллоҳ ва Пайғамбарнинг фармони ўзи ўрганиб қолган одатига зид иш бўлса, унга итоат этишдан бош тортадиган кимсалар бир-бирларидан ажралиб қолардилар. Аллоҳ Пайғамбар с.а.в.га Маккадалик пайтларида Масжидул Ақсога қараб намоз ўқишни буюрганди. Ҳолбуки, бу пайтда Каъба арабларнинг ёнгинасида эди. Боз устига улар Каъбани жуда улуғлардилар, ҳаж қилардилар, тавоф қилардилар. Бу ишни Иброҳим а.с.нинг динига тўғри келадиган иш, деб билардилар. Мана шундай Каъба турганда Масжидул Ақсога юзланиш анча оғир эди. Аммо Аллоҳ ҳидоят берган, Аллоҳнинг фармонига бўйсунадиган мўминлар учун бу оғирлик сезилмадир. Улар Парвардигорларининг буйруғига итоат этиб, Ақсо сари юзландилар. Аллоҳ улардан рози бўлсин, улар ҳам Аллоҳдан рози бўлсинлар.
Кейин Аллоҳ Таоло мўминларга Ўз тарафидан марҳамат кўрсатиб, лутф айлаб, уларнинг қибла Макка тарафига ўзгарилишидан олдинги намозларини ҳам қабул қилди. Мусулмонлар ўзларининг биринчи қибла тарафига қараб ўқиган намозлари қабул бўлмай қолишидан қўрқардилар. Аллоҳ уларнинг шу намозлари ҳам қабул бўлишини айтиб, уларни эъзозлади.
إِنَّ اللّهَ بِالنَّاسِ لَرَؤُوفٌ رَّحِيمٌ
(Албатта, Аллоҳ одамларга меҳрибон ва раҳмлидир).
(إِلاَّ لِنَعْلَمَ ) бизнинг билишимиз кўриниши, очилиши учун. Яъни, Аллоҳнинг ғоибона билиши бизга ҳам аён бўлиши учун. Шундай маъно чиқаришимизга қарина Аллоҳ Таолонинг мана бу оятидир:
عَالِمُ الْغَيْبِ وَالشَّهَادَةِ
– „(У) ғайб ва шаҳодатни (яъни яширин ва ошкора нарсаларни) билгувчидир“. [59:22]
Аллоҳ Таоло бир нарсани билиши учун ўша нарса одамларга кўриниши керак бўлмайди. Чунки У Зот шу вақтгача бўлган ишларни ҳам, энди юз берадиган ишларни ҳам билади.
أَمْ حَسِبْتُمْ أَن تَدْخُلُواْ الْجَنَّةَ وَلَمَّا يَعْلَمِ اللّهُ الَّذِينَ جَاهَدُواْ مِنكُمْ وَيَعْلَمَ الصَّابِرِينَ
37-бет
Бетлар: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208